மனிதனின் உயர்வுக்கும், தாழ்வுக்கும், ஏன் நோயிற்கும், வாழ்விற்கும் கூட, அவன் எண்ணும் எண்ணங்கள் எவ்வாறு அடிகோல்கிறது என்பதை, ஆராய்ச்சிபூர்வமாகவும், மனோ தத்துவச் சான்றுகளுடனும் அழகாய் படைத்திருக்கிறார். இது வாசித்து கடந்து செல்லக்கூடிய பட்டியலில் சாராமல், அடிக்கடி எடுத்து நாம் வாசித்து, நம்மை தட்டிக்கொடுத்துக் கொள்ள வேண்டிய புத்தகம்.
எண்ணங்களின் மூலம், மூளையை ஆட்படுத்தி, நோய்களை குணப்படித்திய சான்றுகளையெல்லாம் கண்டு பிரமித்தேன். இது எல்லா நேரங்களிலும், எல்லாருக்கும் உதவினால், இழப்புகளே இல்லாமல் ஆகி விடுமே. ஆனால் அதுதான் சாத்தியமா?
சுண்டு விரலின் நுனி, ஒரு பாறையின் மேல் ஒட்டிக்கொண்டு தொங்குவது போல், வாழ்வின் கடைசி தருணத்தில், விளிம்பில் ஒருவன் துடிக்கையில், அவ்வாறான எண்ணம் எல்லோருக்கும் சாத்தியமா? அவனை சுற்றியிருக்கும் அவன் சொந்தமில்லாத மனிதர்களுக்கோ அல்லது சொந்தமே ஆயினும், நோய் தந்த சோர்வால் தளர்ந்த அவன் சொந்தங்களுக்கோ அது சாத்தியமா?
ஒரு வேளை அந்த சாத்தியப்படாத வேளையில் தோன்றும் எண்ணத்தால்தான் மனிதன் தோற்கடிக்கப்பட்டு, நோய்கள் வெல்கின்றனவா?
